Tuesday, March 31, 2009

Ae khuda, tu hota kaisa hai?

Sochta hu poochunga khuda se
Tu kaun hai, dikhta kaisa hai
Kya tu bhi kuch kuch
Hum insaanon sa hi hota hai

Sochta hu poochunga khuda se
Kya tu bhi kabhi muskurata hai
Khush hota hai jab tu bohot
Kya tu bhi koi geet gungunata hai

Kya tujhe bhi aas hai kisise milne ki
Par tu bhi zamane se darta hai
Kya tu bhi hum insaanon ki tarah
Chup chupkar kisi pe marta hai

Kya tera bhi koi aafsana hai
Koi chehra jiska tu deewana hai
Khoobsurti ka koi aisa manzaar
Jisse yeh insaan abtak anjaana hai

Dil toota hai kya tera bhi kabhi
Kya tu bhi kabhi roya hai
Na soojha jab koi raasta tujhe
Nam si aakhon se kya tu bhi kabhi soya hai

Kya maut ka khauf nahi hai tujhe
Ya tu bhi marne se darta hai
Kya paap aur punya ke motiyon se
Kya tu bhi apni zindagi sanjota hai

Sochta hu poochunga khuda se
Tu aakhir hota kaisa hai
Kya tu bhi kuch kuch
Hum insaanon sa hi hota hai.

.

4 comments:

Madhav said...

Bahut He Badhiya Hai...!!!

NIRALI MODY said...

i think its the best ive heard in recent tymes...actually its the best of all tymes......u sound like a proffesional :P

Sunny said...

Thats a very generous comment nirali ... thank you

Neil said...

As Nirali rightly said, this piece of ur writing really has a professional touch....keep moving...

LinkWithin

Related Posts with Thumbnails